香港青年協會 青年空間
撈IDEAS 青年共創企劃
活動詳情
喂！「撈IDEAS」青年共創企劃係一個唔怕我哋錢唔夠，只怕你真係「NO IDEAS」嘅青年共創企劃。
再次召喚14-24歲嘅青年朋友仔！只要你有創意、有諗法 、有夢想、有嘢想試、有嘢想玩，就快啲將你嘅IDEA分享出嚟一齊實踐啦！
IDEAS UPLOAD點：https://forms.office.com/r/LUeZz7Wcig
1. 關於「撈IDEAS」
只要你有諗法想同我哋「撈埋」，就快啲同我哋提出啦！
-諗諗計幫青年空間吸引更多朋友仔
-同一班Friends再撈埋更多Friends一齊實現願望嘅歷程
-對社區有諗法，想搵埋我哋一齊推動
-如果撈埋科技、文化藝術、運動及健康生活，仲有大啲機會實現企劃添
2. 企劃內容
-企劃內容可以係服務、活動、物資設備上嘅Ideas
-重點想凝聚更多更多10-24歲嘅青年朋友
-由你自定企劃參加者/用家人數
-由你自定企劃Budget (範圍︰HKD$1,000至$10,000)
-仲可以參考埋線上/線下“Wishing Pool”
(*係公開招募Ideas階段，21C青年空間會係︰
1)線上平台︰Instagram不定期出問答Story，
2)線下平台︰設立“Wishing Pool”留言版
(*俾各位朋友仔寫低想係青年空間實現嘅願望，參加者仲可以參考呢啲Ideas，將佢哋變身成為企劃內容添)
3. 申請資格
-參加者年齡一定一定要係14-24歲青年哦 (Birth Date介乎1/1/2000- 31/12/2011期間)
-組合人數無限制~
-同一個人仲無限組隊次數添
-如果有唔同隊伍但Similar Idea可能會被邀請一齊合作完成企劃哦
-入圍企劃仲可以按需要搵嗰方面嘅Professional幫幫手
4. 企劃實現方式
第1步︰填妥簡易表格同埋Upload企劃文宣Link，企劃宣傳品可以揀圖片/影片形式呈現
第2步︰青年空間Upload企劃之後，就會自動進入線上線下投票階段 (只要你嘅Ideas夠Firm，最多人撐，就可以願望成真啦！)
第3步：入圍企劃將要進行匯報，讓青年空間同事們更了解你嘅計劃和想法
第4步：同埋青年空間同事一齊商討內容，訂立細節，實現企劃
*P.S.︰每間21C青年空間最多可以實現2個企劃哦
參與青年空間（排名不分先後）：
賽馬會紅磡青年空間
賽馬會農圃道青年空間
賽馬會坪石青年空間
賽馬會葵芳青年空間
賽馬會建生青年空間
賽馬會天耀青年空間
5. 企劃日程
| 日期 | 日程內容 |
| 即日至2025年1月27日 | 開放線上/線下“Wishing Pool”予青少年留言 |
| 2025年1月27日 | 截止遞交企劃書 |
| 2025年2月10日至2025年2月19日期間 | “Unleash Your Idea”
(參加者需要按企劃內容進行簡介，將由所選的21C青年空間個別安排匯報日期及時間) |
| 2025年2月21日 | 青年空間會以IG Post發佈合資格企劃，進入評選階段。 |
| 2025年2月21日至3月1日 | 線下實名投票 |
| 2025年3月1日 | 線上投票日 |
| 2025年3月7日 | 公佈線上及線下最多人撐的兩個企劃與投票結果 (另設青年空間精選企劃) |
| 2025年3月8日 至6月30日 | 執行企劃 |
6. 企劃條款及細則
- 參加隊伍遞交報名表格之同時，即表示已細閱本條款，並完全同意及遵守主辦單位安排。如有違反，主辦單位有權即時取消參賽資格。
- 主辦單位有權決定比賽結果及一切安排，參加隊伍不得異議。
- 參加隊伍所填寫所有參加者的姓名及年齡必須與香港身份證/出生證明書一致，主辦單位亦有權查核；主辦單位如有懷疑，有權取消參加隊伍資格，並保留追討損失的權利。
- 參加隊伍須遵守香港特別行政區法例及一切國際網際網路規定與慣例。參加者須承諾不以任何方式企圖破壞及干擾本活動網站上各項資料與功能，且不為入侵或破壞網路上任何系統之企圖或行為。
- 主辦單位不會為任何因電腦或網路等技術理由， 而導致參加者所寄出、登錄之資料有遲延、遺失、錯誤、無法辦識或損毀負上任何責任。
- 獲選者須確實執行其所提交的計劃書，如無特殊原因，不得改變計劃主題或內容；如因故須變更者，須於出發前書面通知主辦單位，並徵得主辦單位同意方可進行。
- 比賽拍攝的所有作品，包括：文字、影片、相片及聲音檔案等版權屬主辦單位全權擁有，並有權進行擷取、重製、另製成多媒體作品而毋須事前取得參加者的同意。主辦單位有權訪問獲選者，獲選者須無償配合參與主辦單位規劃之宣傳推廣活動。
- 參加隊伍同意企劃內容均屬保密資料，並屬主辦單位所有。參加者未經主辦單位同意，不得將該企劃內容以任何方式公開或向第三方透露，包括但不限於在社交媒體討論、公告或分享相關資料、影片或照片、 或接受傳媒訪問發表任何意見。
- 條款以香港青年協會賽馬會農圃道青年空間公佈的資料為準，若有任何情況不能以本條款任何條文解釋，將以主辦單位之詮釋作最終決定。
如有任何疑問，歡迎致電2715 0424 與Janette聯絡。